Berisha: Porti i Durrësit, afera më e madhe në Europë! Nuk ka aferë tjetër që arrin 4 miliardë euro

Kreu i Partisë Demokratike, Sali Berisha ka kundërshtuar projektin e ri për Portin e Durrësit, duke e cilësuar atë si një nga çështjet më të mëdha të korrupsionit të qeverisë.

Berisha u ndal edhe te mungesa e një porti funksional peshkimi dhe një porti marinë për qytetin bregdetar. Sipas tij, porti i peshkimit, i ndërtuar me financim të Bankës Botërore, nuk po shërben sipas qëllimit fillestar dhe është vënë nën kontrollin e personave që ai i akuzoi për lidhje me veprimtari kriminale.

Ish-kryeministri e konsideroi vendimin për zhvendosjen e aktivitetit të Portit të Durrësit dhe ndërtimin e një porti të ri me kapacitet më të kufizuar si një veprim në dëm të interesit kombëtar. Ai akuzoi gjithashtu kryeministrin Edi Rama se projekti i marinës lidhet me interesa të grupeve kriminale, akuza që janë kundërshtuar nga qeveria.