Buxheti 2026, Manastirliu tek Njësia 6: Komunikimi me qytetarët është i pandalshëm

Ogerta Manastirliu zhvilloi këtë të premte një dëgjesë publike me banorë të Njësisë 6 dhe të Lagjes 14, ku prezantoi buxhetin për vitin 2026. Gjatë takimit, Manastirliu u shpreh se komunikimi me qytetarët është i pandalshëm, çdo ditë, çdo javë, çdo muaj ne jemi së bashku për të diskutuar për hallet dhe shqetësimet. ”Për të vendosur prioritetet sepse çdo punë e mirë, bëhet duke dëgjuar qytetarët, bëhet duke dëgjuar familjet, duke dëgjuar komunitetet, aty ku nevojat janë më të mëdha, aty shkon edhe vëmendja jonë, vëmendja e qeverisë, vëmendja e bashkisë”.