Shqipëria do të mirëpresë për herë të parë një nga dyshet më të njohura të skenës ndërkombëtare të muzikës elektronike. CamelPhat, projekti britanik i përbërë nga DJ-të dhe producentët Dave Whelan dhe Mike Di Scala, do të ngjitet në skenë më 21 gusht në Dhërmi.
Lajmi është bërë publik edhe nga kryeministri Edi Rama, duke konfirmuar një tjetër emër të rëndësishëm ndërkombëtar në bregdetin shqiptar këtë verë.
Të njohur për stilin e tyre house dhe performancat në festivalet e klubet më prestigjioze të botës, CamelPhat kanë ndërtuar një karrierë të suksesshme në skenën elektronike.
Dyshja nga Liverpooli u shndërrua në një fenomen global veçanërisht pas publikimit të “Cola”, bashkëpunimi me Elderbrook që u kthye në një prej hiteve më të mëdha të muzikës dance.