Dibra në nevojë për gjinekolog, vetëm 1 për 20 mijë qytetarë

Europa ka hapur rrugët për shumë mjekë dhe infermierë, por komuna e Dibrës është në nevojë për gjinekologë, pasi aktualisht shërben vetëm një për 20 mijë banorë.

“Kushtet nuk janë të këqija, por ka mungesë të personelit mjekësor. Ne e kemi detyrë që gratë shtatëzëne t’i orientojmë në Strugë dhe Shkup për të lindur.

Përveç se nuk ka gjinekologë, këtu nuk ka as anesteziolog e as personel tjetër që lidhet me lindjen. Në Strugë, spitali i ka këto burime njerzore dhe për këtë shumica e grave lindin atje.” thotë Argëtim Fida, mjek gjinekolog.

Vetëm vitin e kaluar, 125 gra nga kjo komunë kanë lindur në Strugë për shkak se mungon mjeku gjinekolog.