Gonzato, takim me Peleshin: Të gjitha forcat politike duhet të kontribuojnë në rrugën e integrimit evropian

Ambasadori i Bashkimit Europian në Shqipëri, Silvio Gonzato, ka zhvilluar sot një takim me Kryetarin e Kuvendit, Niko Peleshi, në një moment kyç të procesit të anëtarësimit të Shqipërisë në Bashkimin Europian. Ambasadori theksoi rolin thelbësor që Kuvendi i Shqipërisë luan në avancimin e procesit të integrimit europian të vendit.

Ambasadori Gonzato ka theksuar edhe njëherë rëndësinë e një dialogu të hapur dhe një debati konstruktiv në Kuvend për të gjitha reformat që lidhen me Bashkimin Europian, duke respektuar plotësisht autonominë e institucionit parlamentar. Ai nënvizoi gjithashtu se për këtë proces të jetë efektiv, të gjitha forcat politike duhet të jenë të afta dhe të gatshme të kontribuojnë në përpjekjet reformuese.