Joao Felix merr hak ndaj Atleticos

Barcelonës i mjafton Joao Felix për të marrë 3 pikë ndaj Atletico Madrid. Një ndeshje e bukur dhe me shumë emocione, por në fund vendos vetëm një gol i portugezit.

Shkëndijat e para të rrezikshme i lëshoi Robert Lewandowski, por polaku nuk kishte saktësi. Rezultati u zhbllokua në minutën e 28, kur Joao Felix, i cili është në huazim te klubi katalanas nga ai madrilen, ndëshkoi skuadrën e tij, Atletico Madrid dhe kaloi ekipin në avantazh.

Edhe pas kësaj, katalanasit provuan disa herë për të shënuar dhe më shumë, por rezultati mbeti po i njëjtë. Pas javës së 15, Barcelona gjendet në vendin e tretë me 34 pikë, katër më pak se Real Madrid dhe Girona.