Kampioni i ringut tani “mbret” i falimentimit, Tayson: Si i shpenzova 500 milionë $

Mike Tyson konsiderohet ende një mbret në boks, duke qenë sportisti më i ri i ringut, që shpallet kampion i peshave të rënda, por nuk mund të thuhet e njëjta gjë me paratë e fituara prej tij në karrierë. Në këtë rast ai quhet ndryshe, “mbret” e parave të humbura.

Ai tha se ka shpenzuar 500 mln dollarë, që fitoi gjatë karrierës, duke bërë kryesisht gjëra pa vlerë.

Në një intervistë për CNBC, ish-boksieri amerikan ka pranuar se nuk ka ditur asnjëherë të mënaxhojë të ardhurat e tij. “Paratë? Për mua ato kanë qenë një problem, pasi ishte një “kampionat” i vështirë, të cilin nuk arrita të fitoja asnjëherë. Nuk dija t’i menaxhoja paratë e fituara, por dhe njerëzit që rrinin afër meje vetëm prej parave që kisha”, deklaroi Mike Tyson.

Tani ai  thotë se dëshiron të jetojë në paqe.