Kanabisi, sekreti për një lëkurë të butë

Hulumtuesit në universitetin “Colorado Anschutz Medical Campus” gjetën elemente anti-inflamatore në përbërjet e kanabisit, që mund të ndihmojnë në trajtimin e një rangu të gjerë sëmundjesh të lëkurës.

Studimi i ri i publikuar në Ditarin e Akademisë Amerikane të Dermatologjisë ka ardhur në këtë përfundim, shkruan New York Daily News.

“Ndoshta, roli më premtues i kanabinoidëve është trajtimi i kruarjeve”, tha autori udhëheqës i këtij studimi ,Robert Dellavalle, profesor i asociuar i dermatologjisë në Universitetin e Shollës së Mjekësisë në Kolorado.

Ky zbulim është premtues për njerëzit e sëmurë nga ekzema, psoriaza, dermatiti dhe problemet tjera me lëkurë.