Kryeministri Rama mbledh qeverinë, nesër në takim edhe drejtuesit politikë

Një ditë para takimit me ministrat dhe drejtuesit politik në qarqe, kryesocialisti, Edi Rama ka mbledhur këtë të enjte qeverinë. Takimi nisi në orën 10:00 dhe nuk ka detaje për vendimet që janë marrë.

Ndërkohë, pasditen e të premtes kryesocialisti pritet të japë edhe udhëzimet për takimet që duhet të nisin drejtuesit politikë në zonat e tyre elektorale, për t’u shpjeguar strukturave dokumentet strategjike të mazhorancës qeverisëse, Besën dhe Praninë Besnike.

Në Pogradec u prezantua edhe platforma “Pasqyrë Albania”, ku do të grumbullohen dhe ndiqen ankesat e qytetarëve. Synimi është që problematikat të marrin përgjigje brenda dy javësh dhe qytetari të mund të shohë në kohë reale se në cilin institucion ndodhet kërkesa e tij.