Kryetari Beci: Fakulteti i Gjuhëve të Huaja, është godina e parë që çlirohet për studentët

Hapësirat publike pranë Universitetit të Shkodrës, do të pastrohen dhe do t’i kthehen studentëve. Kryebashkiaku i Shkodrës, Benet Beci e ka mbajtur fjalën dhe ka ndarë pamjet nga aksioni. Beci shkruan se Fakulteti i Gjuhëve të Huaja, është godina e parë që çlirohet për qytetarët dhe studentët. Ndërsa shkruan se ky model do ndiqet në të gjitha godinat e tjera të Universitetit të Shkodrës. ”Fakulteti i Gjuhëve të Huaja, është godina e parë që çlirohet nga rrethimet dhe barrierat për qytetarët dhe studentët. Ky model do të vijojë në të gjitha godinat e Universitetit të Shkodrës ”Luigj Gurakuqi””, shkruan Beci në Facebook.