Pas trazirave të fundit, në ministritë e vendit ka nisur vendosja e mbrojtjeve metalike në dyer dhe dritare, me qëllim parandalimin e dëmeve nga hedhja e gurëve dhe depërtimin e molotovëve në ambientet e institucioneve.
Masat e marra vijnë pas incidenteve të regjistruara gjatë protestave të ditëve të fundit, ku janë hedhur gurë dhe molotovë në drejtim të institucioneve. Strukturat metalike synojnë të forcojnë sigurinë e godinave dhe të parandalojnë përsëritjen e episodeve të dhunshme.
Policia ka shoqëruar rreth 80 persona që dyshohet se kanë marrë pjesë në protestën e një dite më parë. Sipas të dhënave paraprake, efektivët u kanë sekuestruar edhe telefonat celularë, në kuadër të veprimeve hetimore për dokumentimin e ngjarjeve dhe identifikimin e personave të përfshirë.
Masat e sigurisë në institucionet shtetërore dhe veprimet e Policisë vijnë në një klimë tensioni pas episodeve të fundit të dhunës gjatë protestave.
