Ministrja Spahiu viziton 19-vjeçarin në spital, i riu me këmbën e thyer: S’kam lidhje me protestën

Ministrja e Shëndetësisë, Klodiana Spahiu këtë mbrëmje zhvilloi një vizitë në Spitalin Universitar të Traumës, ku u njoh nga afër me situatën dhe shërbimin mjekësor të ofruar për personat e lënduar, të paraqitur pas protestës. Gjatë vizitës, ministrja takoi ekipin mjekësor në gatishmëri, si dhe pacientët që aktualisht po marrin kujdes shëndetësor pranë këtij spitali. Më pas ministrja ndaloi edhe te 19-vjeçari me këmbë të thyer, i cili i thotë se nuk ishte protestues, por vetëm kalimtar i rastit.

Klodiana Spahiu: Si je? Ke dhimbje?

Pacienti: Kam.

Klodiana Spahiu: Ke dhimbje të këmbës?

Pacienti: Po.

Klodiana Spahiu: Do të bëjmë ekzaminimet. Mos u shqetëso. Ishe duke kaluar aty?

Pacienti: Po, isha duke kaluar, s’kam lidhje me protestën fare.