Tensionohet situata në protestë, shkulen kangjellat metalike te Ministria e Arsimit

Ka nisur me tensione protesta e studentëve para godinës së Ministrisë së Arsimit, njëjtë si një ditë më parë. Protestuesit kanë shkulur kangjellat metalike para godinës duke i hedhur në drejtim të godinës së Ministrisë.

Ata kanë hedhur sende të forta në drejtim të forcave të policisë.

Më herët protestuesit i bënë thirrje në kor Forcave Speciale: “Mos na provokoni!”

Ndonëse protesta ishte njoftuar të niste në orën 14:00, demonstrata ka filluar shumë më herët. Studentë të Fakultetit të Mjekësisë, Fakultetit të Shkencave dhe fakulteteve të tjera kanë bojkotuar mësimin për t’iu bashkuar marshimit.