Në kuadër të Ditës së Dëshmorëve, u zhvilluan aktivitete përkujtimore në nder të atyre që sakrifikuan jetën për lirinë e vendit. Gjatë kësaj dite, Ogerta Manastirliu zhvilloi një takim me familjarë të dëshmorit Misto Mame, duke vlerësuar kontributin dhe sakrificën e tij për çlirimin e Shqipërisë.
Në mesazhin e saj, ajo theksoi se kjo ditë shërben si një kujtesë e gjallë se historia nuk i përket vetëm librave, por jeton përmes familjeve që ruajnë me krenari kujtimin e të rënëve. “Përulemi me respekt para Dëshmorëve të Atdheut, të cilët me guximin dhe idealet e tyre kontribuan për një Shqipëri të lirë,” u shpreh ajo.
Postimi i plotë
Në këtë 5 Maj në Ditën e Dëshmorëve të Atdheut, pata kënaqësinë të takoj familjarë të dëshmorit Misto Mame, i cili dha jetën për lirinë dhe çlirimin e Shqipërisë. Kjo ditë na kujton se historia nuk jeton vetëm në libra, por edhe në familjet që vazhdojnë të mbajnë gjallë kujtimin, krenarinë dhe sakrificën e atyre që dhanë gjithçka për këtë vend. Në këtë 5 Maj, përulemi me respekt para Dëshmorëve të Atdheut, që me guximin dhe idealin e tyre kontribuan për Shqipërinë e lirë.