Përse kopsat e këmishave të meshkujve janë në krahun e kundërt me atë të femrave

Nëse jeni duke veshur një këmishë meshkujsh, atëherë e shihni se kopsat, si zakonisht, gjenden në anën e djathtë. Por, nëse është këmishë e femrave, pullat zakonisht gjenden në anën e majtë – e njëjta gjë mund të thuhet edhe për zinxhirët e xhaketave. Por përse është kjo dukuri? Shumë historianë besojnë se e kanë përgjigjen për pyetjen se përse pullat e këmishëve të meshkujve gjenden në anën e djathtë: Shpjegimi më i zakonshëm dhe më i besueshëm është se në kohërat e vjetra rrobat kanë qenë të dizajnuara edhe për të mbajtur armë të ndryshme. Chloe Chapin, historian i modës, tregon se ky stil ka origjinën në ushtri. Nëse keni një armë të fshehur nën këmishë, atëherë më e lehtë është për ju ta kapni atë me dorën dominante. Pra, nëse pullat janë në anën e djathtë, teorikisht ju mund ta fusni dorën e djathtë më lehtë në këmishën apo xhaketën tuaj.