Gjatë një takimi të zhvilluar me drejtues dhe përfaqësues të Policisë Bashkiake Tiranë, prefekti i Tiranës, Shkëlqim Hajdari vlerësoi punën e deritanishme të këtij institucioni dhe në veçanti të drejtueses së tij, Elona Lalaj.
Hajdari theksoi rëndësinë e rritjes së prezencës dhe efektivitetit të Policisë Bashkiake në të gjithë territorin e Bashkisë Tiranë. Ai kërkoi që, në bashkëpunim të ngushtë me Policinë e Rendit, të ndërmerren masa të forta sensibilizuese dhe parandaluese, si dhe të aplikohen masa administrative dhe penale aty ku është e nevojshme.
Fokusi i këtij angazhimi do të jetë garantimi i rendit dhe qetësisë publike, përmirësimi i sigurisë në trafik, si dhe kontrolli më i shtuar në lagje, pranë shkollave, në rrugë dhe në hapësira publike.
Postimi i plotë
Sot pasdite takova trupën e Policisë Bashkiake Tiranë. Urova për punën e bërë drejtuesen e këtij institucioni ligjzbatues znj. Elona Lalaj. Kjo force policore, krahas permbushjes së të gjitha detyrave që e ngarkon ligji,të fokusohet në të gjithë territorin e Bashkise Tiranë,në bashkëpunim dhe me Policinë e Rendit, të marr masa të forta sensibilizimi ,parandalimi e vendosje të masave administrative e penale me synim forcimin e rendit, qetesisë, trafikut ne lagje, shkolla, rrugë, sheshe publike. Ky nuk do jete nje aksion, por fillimi i nje procesi të pandalshem, per rritjen e sigurise se shendetit dhe jetës së qytetarëve të Tiranes si dhe turistëve të shumtë.