Prefekti i Qarkut Tiranë, Shkëlqim Hajdari, ka bërë të ditur se deri tani situata e zjarreve në qark është përballuar me sukses falë angazhimit të strukturave të mbrojtjes civile.
Në një reagim publik, Hajdari theksoi se prioritet mbetet parandalimi i zjarreve, si dhe identifikimi, ndalimi dhe vënia përpara drejtësisë e personave përgjegjës për shkaktimin e tyre.
”Qarku Tiranë, deri tani ka përballuar me sukses situatën e zjarreve! Prioritet mbetet parandalimi i zjarreve dhe ndalimi e venja para drejtesise e autoreve te tyre. Vetëm duke punuar të gjithë strukturat e mbrojtjes civile bashkë si një ekip i vetem, do dalim me sukses, në këtë situatë të jashtëzakonshme me temperatura shumë të larta”,-shkruan Hajdari.
