Prefekti i qarkut të Tiranës, Shkëlqim Hajdari, inspektoi nga afër punimet në territorin e njësisë administrative të Bërzhitës, ku forcat xheniere të Emergjencave Civile të Ministrisë së Mbrojtjes, në bashkëpunim me agjenci të tjera, po punojnë për hapjen e akseve pyjore, pavarësisht temperaturave të larta.
Sipas Hajdarit, ndërhyrjet synojnë të përmirësojnë aksesin në zonat pyjore, duke lehtësuar reagimin e shpejtë të strukturave në rast zjarri dhe duke forcuar masat parandaluese për mbrojtjen e fondit pyjor.
”Vazhdojmë hapjen e rrugëve pyjore në Qarkun e Tiranës! Sot, ndoqëm punimet në teritorin e njësisë administrative të Bërzhitës, ku forcat xhenjere të emergjencave civile të Ministrisë së Mbrojtjes dhe agjensi të tjera,po bëjnë një punë të shkëlqyer, megjithëse në temperatura shumë të larta. Të gjithë bashkë të parandalojmë zjarret, të mbrojmë fondin pyjor, shëndetin dhe jetën e qyetarëve të Tiranës”,-shkruan Hajdari.
