Kuvendi në 4 vitet e ardhshme do të drejtohet nga një burrë. Elisa Spiropali do ta lërë drejtimin e këtij institucioni për të marrë drejtimin e Ministrisë së Jashtme, ndërkohë që në karrigen e Kuvendit do të ngjitet ish zv-kryeministri dhe ish-ministri i Mbrojtjes, Niko Peleshi.
Bledi Çuçi do t’i lërë vendin deputetes së Durrësit, Klodiana Spahiu si nënkryetare. endin e lënë bosh nga Niko Peleshi në krye të grupit parlamentar të PS-së, do t’a rimarrë Taulant Balla. Pas disa vitesh angazhim në qeveri, Balla rikthehet tashmë në krye të deputetëve socialistë.
Ulsi Manja do të rimarrë drejtimin e Komisionit të Ligjeve, Igli Hasani do të drejtojë Komisionin e Jashtëm, ndërsa Arbian Mazniku do të drejtojë komisionin për Reformën Administrative Territoriale që do të ringrihet në Kuvend.
Kryetar i Kuvendit
Ikën Elisa Spiropali
Vjen Niko Peleshi
Nënkryetari i PS në Kuvend
Ikën Bledi Çuçi
Vjen Klodiana Spahiu
Kryetar i grupit të PS
Ikën Niko Peleshi
Vjen Taulant Balla
Kryetar i Komisionit të Ligjeve
Ikën Klotilda Bushka
Vjen Ulsi Manja
Kryetar i Komisionit të Jashtëm
Ikën Mimi Kodheli
Vjen Igli Hasani
Legjislatura e re në Parlament do të nisë edhe me një ristrukturim të komisioneve të përhershme. Tashmë nuk do të jenë më 8 komisione të përhershme, por 11, nga të cilat shtatë do t’i drejtojë maxhoranca dhe katër opozita.
Komisionet e reja të përhershme parlamentare
Komisioni për Ekonominë, Punësimin dhe Financat- e drejton PS
Komisioni për Çështjet ligjore dhe Administratën Publike- e drejton PS
Komisioni për Çështjet e Brendshme dhe Mbrojtjen- e drejton PS
Komisioni për Edukimin, Shkencën dhe Sportet- e drejton opozita
Komisioni për Shëndetësinë dhe Mirëqenien Sociale- e drejton opozita
Komisioni për Burimet Natyrore, Infrastrukturën dhe Zhvillimin e Qëndrueshëm- e drejton PS
Komisioni për të Drejtat e Njeriut dhe Mjetet e Informimit Publik- e drejton opozita
Komisioni për Bujqësinë, Ushqimin dhe Zhvillimin Rural- e drejton PS
Komisioni për Kulturën, Turizmin dhe Diasporën- e drejton opozita
Komisioni për Europën dhe Punët e Jashtme- e drejton PS
Komisioni për Nismat Qytetare, Bashkëpunimin dhe Mbikëqyrjen Institucionale- e drejton PS