Çaji jeshil luan një rol të rëndësishëm për një gjumë më të mirë, inflamacion më të ulët dhe testosteron më të lartë, sipas National Institutes of Health (NIH).
Një studim i ri sugjeron që çaji jeshil mund të bëjë shumë më tepër sesa thjesht të rifreskojë mendjen tuaj – ai gjithashtu mund të balancojë hormonet, të zvogëlojë inflamacionin dhe të përmirësojë cilësinë e gjumit.
Studiuesit ekzaminuan 280 burra mbi 45 vjeç dhe zbuluan se ata që pinin çaj jeshil për një kohë të gjatë – që konsumonin të paktën një filxhan në ditë për më shumë se 20 vjet – kishin deri në 30% nivele më të larta testosteroni, 27% inflamacion më të ulët dhe 32% më pak raste pagjumësie krahasuar me ata që nuk e konsumonin çajin jeshil.
Testet e gjakut dhe imazhet e trurit zbuluan modele të përmirësuara të gjumit dhe më pak simptoma depresioni tek personat që pinin rregullisht çaj jeshil.
Sekreti qëndron te komponimet bioaktive të çajit jeshil, duke përfshirë EGCG (epigallocatechin gallate) dhe L-theanine, të cilat duket se mbështesin funksionin e shëndetshëm të hormoneve, qetësojnë sistemin nervor dhe nxisin një gjumë më të thellë dhe më restaurues.
EGCG ndihmon në qarkullimin e testosteronit aktiv duke zvogëluar stresin oksidativ, dhe L- theanine rrit relaksin.
Ndërsa hulumtimi u përqendrua te burrat, studimet e mëparshme tregojnë se çaji jeshil mund të mbështesë gjithashtu ekuilibrin hormonal dhe mirëqenien te gratë, duke ndikuar në një stil jetese të shëndetshëm.
Çaji jeshil ofron një mënyrë të thjeshtë dhe natyrale për të menaxhuar stresin dhe rritur vitalitetin.
Konsumimi afatgjatë i çajit jeshil mbron shëndetin mendor të burrave të moshës së mesme dhe të moshuar duke përmirësuar nivelet e inflamacionit.
Burrat e moshës së mesme dhe të moshuar kanë një rrezik më të lartë për të përjetuar depresion.
Çaji jeshil, si një pije popullore, ka tërhequr vëmendje të gjerë për përfitimet e tij shëndetësore.
Megjithatë, nevojiten ende studime mbi efektet e çajit jeshil në luftimin e depresionit dhe rregullimin e hormoneve.
ATSH