Sali Berisha paraqitet në SPAK

Kreu i PD, Sali Berisha, është paraqitur ditën e sotme në Prokurorinë e Posaçme Antikorrupsion.

Berisha u paraqit në SPAK, në zbatim të masës së sigurisë “detyrim paraqitje” të vendosur ndaj tij.

Ish-kryeministri Sali Berisha përballet me akuzën për korrupsion, ndërsa dhëndri i tij, Jamarbër Malltezi, i cili ndodhet aktualisht në arrest shtëpie, dhe biznesmeni Fatmir Bektashi akuzohen për përfshirje në korrupsion dhe veprime të paligjshme për pastrimin e parave.

Pas daljes nga SPAK, kryedemokrati dha një prononcim për mediat dhe tha se dhëndri i tij, Jamarbër Malltezi nuk ka shkelur ligjin, pasi nuk ka qenë funksionar publik.

“Sot fillon procesi gjyqësor. Gjykata e Lartë shpall se, për veprën e korrupsionit pasiv, duhet që funksionari të jetë funksionar publik dhe duhet të kenë pasur fuqi vendimmarrëse. Malltezi s’ka qenë funksionar publik”, tha Berisha.