Sfida e Lulzim Bashës: Nëse nuk realizon programin, iki nga politika

Kreu i PD-së duket se është i bindur se do të fitojë dhe do të zbatojë programin politik të tij. I ftuar mbrëmjen e sotme në ‘Zonë e Lirë’, Lulzim Basha është shprehur se nëse nuk do të realizojë programin e tij, atë që shpalos në fushatë, atëherë ai do të largohet nga politika.

“Ose unë do të realizoj këtë program që kam përgatitur, ose unë nuk kam më vend në politikë.

Nëse popullit nuk i pëlqen puna e kryeministrit, atëherë ata kanë të drejtë që me 25 mijë firma të nisin procesin e ‘recall’, shkarkimin e kryeministrit”, u shpreh Basha në deklaratën e tij në studion e gazetarit Arian Çani.