Shkëlqim Hajdari në Bronx: Do të jetë përkrah bashkatdhetarëve në mbështetje të ish-drejtuesve të UÇK-së

Prefekti i Tiranës, Shkëlqim Hajdari, ka bërë të ditur se do të jetë nesër në Bronx të New York-ut, ku do t’u bashkohet bashkatdhetarëve shqiptarë në një miting në mbështetje të Hashim Thaçit, Kadri Veselit, Jakup Krasniqit dhe Rexhep Selimit.

Në një mesazh të publikuar prej tij, Hajdari shprehet se do të jetë i pranishëm në aktivitetin që synon të përcjellë mbështetje për ish-drejtuesit e Ushtrisë Çlirimtare të Kosovës dhe për atë që ai e cilëson si lufta për liri, drejtësi dhe dinjitet. “Me krenari dhe respekt për luftën çlirimtare të Kosovës, për drejtësi dhe dinjitet!”, shkruan Hajdari.

Mitingu në Bronx pritet të mbledhë shqiptarë nga New York-u dhe zona përreth, të cilët do të shprehin mbështetjen e tyre për figurat e njohura të UÇK-së dhe për vlerat që, sipas organizatorëve dhe pjesëmarrësve, përfaqëson lufta çlirimtare e Kosovës.