Tabaku: Vota për imunitetin e Belinda Ballukut po mban peng integrimin e Shqipërisë

Deputetja e PD, Jorida Tabaku, deklaroi se integrimin e Shqipërisë, po e mban peng imuniteti i Belinda Ballukut.

Në fjalën e saj, Tabaku theksoi se në Parlament po thuhen vetëm gënjeshtra dhe se çështjet kryesore që ndikojnë drejtpërdrejt në integrimin e vendit anashkalohen.

“Duhen mbajtur përgjegjësi për fjalën që thotë kushdo që flet këtu. Kemi kërkuar në konferencën e kryetarëve listën e ligjeve, nuk është publikuar. Vota për imunitetin e Ballukut po mban peng procesin. Lista me 23 ligje sigurisht që do duhej diskutuar, por sot Shqipërinë po e mban peng ajo vota kundër imunitetit për Belinda Ballukun. Sepse listat që tunden këtu në parlament janë thjesht gënjeshtra të radhës”, tha ndër të tjera Tabaku.