Takimi në Teksas, presidenti Begaj dhe kongresmeni diskutojnë për rolin strategjik të Amerikës në rajon

Presidenti Bajram Begaj, gjatë një vizite në Shtetet e Bashkuara të Amerikës, ka zhvilluar një takim me kongresmenin nga Teksasi, Keith Self.

Në një reagim, kreu i shtetit thekson se ishte kënaqësi takimi me kongresmenin Self, të cilin e falënderoi për vëmendjen ndaj çështjes shqiptare dhe rajonit të Ballkanit Perëndimor.

“Shkëmbyem mendime dhe perspektiva mbi rëndësinë e pranisë së SHBA-së në rajon, rolin e vetë rajonit, NATO-s dhe KFOR-it, si dhe forcimin e partneritetit strategjik midis dy vendeve tona”, shkruan Begaj.

Takimi vlerësohet si pjesë e përpjekjeve për forcimin e marrëdhënieve dypalëshe dhe bashkëpunimit strategjik Shqipëri–SHBA.