Trageti i Ohrit përfundon në Pogradec, stuhia çorienton mjetin lundrues

Stuhia në det ka bërë që një traget i vogël i linjës Ohër-Shën Naum të humbasë kontrollin dhe të dalë në ujërat shqiptare. Për gati 2 orë me radhë trageti është shtyrë nga era deri pranë fshatit Piskupat.

Ai ishte nisur nga Shën Naumi drejt Ohrit, por stuhia e fortë në liqen e zhvendosën atë në ujërat shqiptare.

Me qetësimin e stuhisë trageti është nisur drejt Ohrit sërish dhe po futet në ujërat maqedonase, ka pasur pasagjerë në bord, por fatmirësisht asnjë prej tyre nuk është dëmtuar, përveç panikut të madh që kanë pësuar.