Urgjenca për akuzat nga protestuesit: Nuk transportojnë gaz lotsjellës, po rrezikoni jetët e pacientëve

Qendra Kombëtare e Urgjencës Mjekësore ka reaguar ditën e sotme në lidhje me pretendimet se auto-ambulancat përdoren për të transportuar gaz lotsjellës. QKUM-ja i ka hedhur poshtë këto aludime përmes një reagimi zyrtar, duke theksuar se atuo-ambulancat dhe ekipet mjekësore janë në terren vetëm për t’u ardhur në ndihmë personave që kanë nevojë për ndihmë të shpejtë. Nëpërmjet këtij reagimi, QKUM-ja shprehet se pengimi i qarkullimit dhe aktet e dhunës ndaj ambulancave apo ekipeve mjekësore vonojnë ndërhyrjen emergjente dhe rrezikojnë drejtpërdrejt jetën e pacientëve në nevojë, si dhe sigurinë e stafit mjekësor.

Reagimi i plotë

​Në lidhje me disa lajme të rreme që po qarkullojnë në rrjetet sociale ku pretendohet se autoambulancat po përdoren për furnizim me gaz lotësjellës, përgenjeshtrojmë kategorikisht këtë informacion!

​Informojmë të gjithë qytetarët dhe protestuesit se:

Misioni ynë: Autoambulancat dhe ekipet mjekësore janë në terren VETËM për t’u ardhur në ndihmë personave që kanë nevojë për ndihmë të shpejtë mjekësore.

Thirrje për ndërgjegjësim: Pengimi i qarkullimit dhe aktet e dhunës ndaj ambulancave apo ekipeve mjekësore vonojnë ndërhyrjen emergjente dhe rrezikojnë drejtpërdrejt jetën e pacientëve në nevojë, si dhe sigurinë e stafit tonë.

Lista e targave të mjeteve aktualisht në shërbim aktiv:

AC 410 AC | AC 878 AC | AC 656 AC | AC 342 AC

AB 657 CF | AB 703 CF | AB 946 CF | AB 776 CF

AA 813 VU | AA 874 VU | AB 245 FV | AB 846 CF

Për çdo urgjencë mjekësore, telefononi menjëherë në numrin pa pagesë: 127

​Së bashku për të mbrojtur jetën!