Prefekti i Qarkut Tiranë, Shkëlqim Hajdari zhvilloi një takim në Vilëbashtovë me përfaqësues të pushtetit vendor dhe sipërmarrës të sektorit të turizmit, ku u diskutuan problematikat dhe nevojat e bizneseve të zonës bregdetare.
Në këtë takim morën pjesë kryetari në detyrë i Bashkisë Rrogozhinë, Andi Proshka, akademiku Rexhep Uka, si dhe gazetari Milaim Zeka. Takimi u organizua nga Shoqata e Restoranteve dhe Bujtinave të Shqipërisë, me në krye Kujtim Dervishi, i cili kishte ftuar sipërmarrës të restoranteve të zonës.
Gjatë bashkëbisedimit, prefekti Hajdari theksoi se dëgjoi me vëmendje kërkesat e bizneseve dhe premtoi zgjidhje të menjëhershme për problematikat e ngritura.
Postimi i plotë
Vilëbashtovë! Sot së bashku me Kryetarin në detyrë të Bashkise Rrogozhinë Andi Proshka dhe pranine e Prof. Dok. Rexhep Uka e gazetarin Milaim Zeka, organizuam nje takim me Shoqatën e Restoranteve dhe Bujtinave te Shqiperise. Kryetari saj Z. Kujtim Dervishi, kishte thirrur në takim sipermarres te Restoranteve të kësaj zone. Degjova me shumë kujdes të gjitha kërkesat e tyre, të cilave do ti japim zgjidhje te menjëhershme. Këtë vit kjo vijë bregdetare do të jete e rinovuar plotesisht. Qytetaret e qarkut tone, por dhe qytetare te tjere nga shqiperia dhe nga jashte, do të gjejne nje plazh të shkëlqyer për të pushuar. Nderkohë vazhdon puna për pastrimin e gjithë vijës bregdetare!