Vladimir Putin: Futbolli na bashkon të gjithëve

Gjatë ceremonisë hapëse të Botërorit, presidenti i vendit pritës të këtij kompeticioni Vladimir Putin, ka thënë se futbolli është një sport që i bashkon të gjitha kombet bashkë.

Përpara mijëra tifozësh Putin mori fjalën dhe tha se Rusia është një vend që e dashuron futbollin dhe një vend mikpritës.

“Futbolli adhurohet me të vërtetë këtu dhe quhet dashuri me shikim
të parë që nga ndeshja jonë e parë zyrtare në 1897. Shpresoj që fansat dhe skuadrat të shijojnë qëndrimin e tyre në Rusi, një vend i hapur, mikpritës dhe miqësor me njerëz që kanë vlera të përbashkëta. Futbolli na bashkon të gjithëve në një ekip. Ne jemi të bashkuar nga kjo lojë spektakolare” deklaroi presidenti Putin.