Vrasësi i Arielës, 23-vjeçari rëndë për jetën; Plumbi i ka prekur trurin

Mësohet se 23-vjeçari Aldison Belulaj i cili një ditë më parë vrau studenten 21-vjeçare, Ariela Murati, ndodhet në gjendje kritike për jetën në reanimacionin e Spitalit të Traumës.

Studenti i Fakultetit të Infermierisë ka dëmtime të rënda në kokë, pasi plumbi i ka prekur një pjesë të trurit. Mjekët e Traumës bëjnë të ditur se i riu e ka ende plumbin në kokë dhe është e pamundur ndërhyrja për shkak të gjendjes së rëndë shëndetësore mes jetës dhe vdekjes.

Belulaj qëlloi për vdekje Ariela Muratin në sy të motrës dhe kushërirës së saj. Dy të rinjtë ishin nga fshati Zharrës e Fierit dhe njiheshin që nga shkolla e mesme pasi kishin mbaruar në të njëjtin gjimnaz “Sotir Capo”.