Akulli që shkriu në Kosovë!

Nga Erjon Murataj-

Acari që kaploi gadishullin e mbarë kontinentin i ngjan shkretëtirës së akullt 30-vjeçare që përjetojmë .

Fakt është që s’ka rëndësi sigla, ajo është thjeshtë mjeti.

Në fakt është fryma që i jep një vendi prosperitet dhe vlërson individin pjesë të elitës përfaqësuese. E ndërsa bora është plakë e balta zu thinj, në Kosovë të rijntë vendosën bashkimin dhe guxuan. Kujdes! Askush nuk duhet të përbaltë luftën e UÇK-së. Por ! Bij e bija të tyre janë dhe ata që u bashkuan sot në Kosovë. Në fakt nuk kam asnjë qasje ndaj “Vetëvendosjes” por ndaj thirrjes që ata të rinj i bënë prindërve të tyre .

E shumë më shumë për ata prindër që besuan tek binjtë e tyre . Realisht jam shumë i përulur para tyre.

E kam thenë dhe më parë, nuk ka luftë që nuk fitojnë të rijnt. Elitë duhet të ngelen gjithmonë idealistët .

Elita kurrë s’duhet të plaket. Fundja ç’janë të rijntë?

Projeksioni më i mirë i një prindi që ka aspiratën për një të ardhme më të mirë. Në Kosovë akulli u thye dhe ngrohtësia e çdo vatre patriotike e shkriu . Të rijntë guxuan, gjyshet , gjyshërit , baballarët e nënat besuan. Sepse gjaku s’bëhet ujë dhe e ardhmja janë pikërisht ata bijt e bijat e tyre.

A do mundemi dhe ne në Shqipëri ?

Une them se po !

Dhe nëse ndonje “varrmihes” që e quan veten elitë sot mendon të kundërtën , i them: “Ka aq gjak shqiptaria sa të mbrojë nderin dhe të ardhmen e saj . Nese mendon ndokush ta ndaloj i kujtoj se dëshmorët nuk kanë kohë apo kufinj. Nëse mendojnë ti hapin luftë të ardhmes kanë bërë llogaritë gabim. Ne,të rijntë Shqipërinë I’a kemi borxh gjakut të dëshmorëve .Mundit e sakrificës së prindërve dhe detyrim brezave që do të vijnë. Kjo është aleanca jonë! Akulli që fabrikuat I ka ditët e numëruara.