‘Hija’ monstruoze e Skënderbeut

Nga Behar Gjoka

Ajo çfarë pamë në foton e skulpturës së Heroit Kombëtar, më tepër është një mostër se sa një figurim estetik.

Shtrëmbërimet e figurës, lidhen me disa momente.

Së pari, nuk ka asnjë lidhje me figurën dhe rolin e kësaj figure në historinë e qëndresës së motit të madh.

Së dyti, nuk ka raporte monumentaliteti, gjë që ngjet me të gjithë figurat historike, të ngjashme me figurën.

Së treti, është një sprovë e dështuar, as klasike, as moderne, konceptuar në atë formë amorfe.

Së katërti, fakti që do të vendoset në sheshin qendror të Budapestit, aq më tepër përballë Huniadit, bashkëkohës dhe figurë e madhe, në gjithë monumentalitetin e vetë, e zbeh dhe zvogëlon, madje e shpërfytyron figurën dhe zullmën e treguar në shekullin e XV.

Institucionet shqiptare, sidomos Ministria e Jashtme, duhet të bëjnë sa kanë në dorë, për ta ndaluar vendosjen e “hijes” së heroit, që të ngjall krupën, dhe të sugjerojnë për një zgjidhje tjetër…

Eh, Skënderbeu, mbeti në betejë, në gjallje dhe amshim…

Marrë nga FB e autorit