Kënga kundër Theresa Mayt mposht Rita Orën në top-listat britanike

Një këngë, në të cilën kryeministrja britanike, Theresa May quhet gënjeshtare ka mposhtur hitet e fundit botërore, si atë të Rita Oras, Liam Paynet dhe Harry Styles in the charts. Një pop-këngë me tekstin që thotë “Theresa May është gënjeshtare, gënjeshtare” ka arritur të futet në top 10-she. Por radio-stacionet në Britani, megjithatë po refuzojnë ta transmetojnë atë. Kënga, me titull “Liar Liar” (Gënjeshtare, Gënjeshtare), fillimisht u bë hit viral më 2010, gjatë një vale të protestave studentore që kundërshtonin vendimin e Qeverisë së Koalicionit në Britani për të rritur pagesat për shkollim. Në atë kohë, kënga kishte për cak ish-kryeministrin David Cameron dhe ish-zëvendëskryeministrin Nick Clegg. E tani, ajo është kthyer në skenë nga bendi Captain Ska për zgjedhjet e 8 qershorit. Dhe versioni i ri, i quajtur “Liar Liar Ge2017”, ka arritur të futet në vendin e 10 të toplistave të këngëve më të shkarkuara në Britani. Por emisioni “Big Top 40”, që transmetohet në “Capital FM” dhe “Heart” vendosën që të mos e transmetojnë. Në vend të saj, prezantuesit thjeshtë njoftuan se gjendet në vendin e 10-të para se të fillonte në prapavijë të dëgjohej kënga e vendit numër 9. Një pjesë e tekstit të këngës thotë kështu: “ajo është Gënjeshtare, Gënjeshtare… nuk mund t’i besoni asaj, jo, jo, jo, jo”. Kënga aktualisht është në pozitën 3 të toplistës në iTunes. Kjo nënkupton se kënga i ka mposhtur hitet e fundit të Rita Orës (Your Song), Liam Paynet dhe Harry Styles.