Mësimi online lë mangësi, 7-vjeçari mbetet pas me mësime

Për shkak të situatës së krijuar nga COVID-19, Ministria e Arsimit pezulloi procesin mësimor ndërsa të gjithë nxënësit zhvillonin mësimin online.

Por kjo mënyrë nuk ka dhënë shumë rezultate tek fëmijët e klasës së parë.

Sigerio Nuredini është nxënës i shkollës “Gjon Buzuku” në klasë të parë dhe mësimi online apo në kanalet televizive ka lënë boshllëqe.

“Nuk kam mësuar në shtëpi”.

Sigerio tregon se i mungon shkolla dhe shpjegimi i mësueses.

Ndërsa nëna e tij shprehet se kjo situatë e ka lënë pas me mësime, pasi në shtëpi nuk arrin të përqëndrohet.

“Nuk i di fare as shkronjat e as nuk i bashkon. Vijnë kalamajtë dhe trokasin tek dera hajde dil të luajmë. Nuk e lënë të mësojë.”

Mësimi i zhvilluar online është gjetur si e vetmja mënyrë që nxënësit  dhe mësuesit të vazhdojnë të zhvillojnë mësimet, ku thuajse në të gjitha shkollat në vend janë krijuar klasa në rrjete sociale për të dhënë mësim.

/Ora News