Mirupafshim dimër! Pranvera erdhi sot më 20 mars, ja pse vjen më herët çdo vit

Sot, 20 mars pikërisht në orën 04:06 ndodhi ekuinoksi pranveror. Kur dita karakterizohet nga 12 orë dritë dhe 12 orë errësirë.

Ekuinoksi, megjithatë, nuk korrespondon me gjithë ditën, siç mendohet shpesh, por me një moment të vetëm, atë në të cilin Dielli kalon ekuatorin qiellor, i cili mund të konsiderohet si projeksion i vijës së ekuatorit tokësor në sferën qiellore: kjo është arsyeja pse, përveç datës, ekuinokset kanë edhe një kohë shumë specifike.

Sipas traditës, pranvera vjen më 21 mars, por në realitet kjo nuk ka ndodhur që nga viti 2007 dhe, duke filluar nga viti 2044, ekuinoksi i pranverës do të mund të çojë më tej ardhjen e saj në datën 19 të muajit. Ky fenomen është për shkak të zhvendosjes së fazës midis kalendarit dhe vitit sidereal: Toka, në fakt, përfundon një rrotullim të plotë rreth Diellit në 365 ditë e 6 orë, një vonesë që grumbullohet dhe më pas rikuperohet çdo katër vjet, me shtimin e 29 shkurtit. Për këtë arsye, ekuinoksi mund të bjerë midis 19 dhe 21 marsit. Për t’u rikthyer në përputhje me traditën do të duhet të presim deri në vitin 2100, vit që do të rikthejë ardhjen e pranverës në 21 mars.

Dielli lind pikërisht në Lindje

Për ata që jetojnë në hemisferën veriore, ditët kanë filluar të zgjasin që nga solstici dimëror, i cili nisi më 22 dhjetor 2023 dhe vijojnë deri në solsticin e verës. Për më tepër, dita në të cilën bie ekuinoksi është e vetmja e vitit në të cilën Dielli lind saktësisht në Lindje dhe perëndon saktësisht në Perëndim, dhe në të cilën i ashtuquajturi ‘terminator’, vija imagjinare që ndan gjysmën e Toka e ndriçuar nga Dielli nga ajo në errësirë, kalon pikërisht nëpër dy polet e tokës. Kjo do të thotë se rrezet e diellit do të kthehen për të ndriçuar Polin e Veriut, ndërsa në Polin e Jugut ekuinoksi pranveror përkon me fillimin e natës së gjatë të Antarktidës.