Prefekti i Qarkut Tiranë, Shkëlqim Hajdari, zhvilloi një takim me drejtuesit e lartë të Zyrës së Sherifit të Santa Barbara County, në Kaliforni, të drejtuar nga Sheriff Bill Brown. Takimi i zhvilluar në një frymë miqësore dhe bashkëpunuese, u fokusua në shkëmbimin e përvojave mbi sigurinë publike, koordinimin institucional dhe shërbimin ndaj komunitetit.
Gjatë bisedës, Prefekti Hajdari u njoh me bazën ligjore mbi të cilën funksionon kjo agjenci ligjzbatuese në Shtetet e Bashkuara, strukturën dhe hierarkinë e saj, detyrat dhe përgjegjësitë, si dhe mënyrën e bashkëpunimit dhe koordinimit me agjencitë e tjera. Një pjesë e diskutimit iu kushtua edhe funksioneve që lidhen me rolin e Prefektit në Shqipëri, veçanërisht në drejtim të rendit dhe sigurisë publike, si dhe koordinimit dhe bashkëpunimit ndërmjet institucioneve qendrore dhe atyre vendore.
Në përfundim të takimit, Prefekti i Tiranës ftoi Sheriff Bill Brown për një vizitë në Shqipëri. Sipas Hajdarit, ftesa u prit me kënaqësi nga drejtuesi i Zyrës së Sherifit të Santa Barbara County. “Një takim miqësor dhe me vlerë, ku shkëmbyem përvoja mbi sigurinë publike, koordinimin institucional dhe shërbimin ndaj komunitetit”, u shpreh Prefekti Hajdari, duke falënderuar përfaqësuesit amerikanë për mikpritjen dhe respektin e treguar.
Postimi i plotë
Si Prefekt i Qarkut Tiranë, pata kënaqësi të takoja drejtuesit më të lartë të Zyrës së Sherifit të Santa Barbara County ( Kaliforni),të drejtuar nga Sheriff Bill Brown.
Një takim miqësor dhe me vlerë, ku shkëmbyem përvoja mbi sigurinë publike, koordinimin institucional dhe shërbimin ndaj komunitetit. Gjatë bisedës së gjatë u njoha me aktet ligjore mbi bazen e te cilit funksion kjo agjensi ligjzbatuese,strukturën, hiearkinë, detyrat që kryen, bashkepunimi e koordinimi i punes me agjensitë e tjera në ShBA.
Diskutuam dhe per funksionet e ngjashme që kryen Prefekti në shqiperi siç jane, rendi e siguria publike, kordinimi e bashkepunimi midis institucioneve qendrore me ato vendore etj. E ftuam Sherifin Brawn për vizitë ne shqiperi, kerkesë qe u prit me shume kënaqësi. Mirënjohje për mikpritjen dhe respektin e treguar!