Vdes nga kanceri aktori i njohur Michael Nyqvist

Aktori me origjinë suedeze Michael Nyqvist ka vdekur i rrethuar nga familja e tij në Stokholm. Zëdhënësja e tij Alissa Goodman dha një deklaratë ku e quajti aktorin një nga më të respektuarit dhe më të arrrirët në Suedi. Aktori Michael Nyqvist i njohur më së miri për rolin e tij në filmin “The Girl with the Dragon Tattoo” ka vdekur në moshën 56 vjeçare pas një beteje me kancerin në mushkëri. Kohët e fundit Michael filloi të marrë përsipër role negative në filmat hollivudianë, përfshirë këtu edhe Mission Impossible: Ghost Protocol. Aktori gjithashtu ishte pjesë e Colonia së bashku me Emma Watson, si dhe kishte një rol të rëndësishëm në John Wick, krahas Keeanu Reeves. Michael ka lënë pas gruan Catharina si dhe fëmijët Ellen dhe Arthur.