Nga Alban Daci –
Po lodhen të bëjnë sondazhe të sajuara se zgjedhjet i fiton Edi Rama! Deri para ca kohësh sondazhet e sponsorizuara dhe pse jo të realizuara nga pushteti e nxirrnin PS fituese të zgjedhjeve, të tepsisë dhe të timonit! Me afrimin e zgjedhjeve, PS nga fituese të zgjedhjeve me sondazhet e montuara, tashmë kanë filluar të nxjerrin parti të, por nuk po e fshehin dot faktin se opozita e bashkuar fiton zgjedhjet! Pra, me sondazhe të manipuluara nxjerrin PS në vend të parë, por e pranojnë hapur se ajo nuk do të ketë më pushtetin e qeverisjes.
Kush i fiton zgjedhjet? Unë, mendoj e besoj se PD del forcë e parë në këto zgjedhje duke siguruar numrat për të qeverisur edhe e vetme, por Basha e konsideron bashkëqeverisjen me aleatët si mundësi për të ndarë përgjegjësitë për realizuar së bashku sfidat e rëndësishme! Pra, me numra PD do të mund të qeveris e vetme, por ajo ka vendosur tashmë të qeveris me një aleancë sa më të gjerë për të ndarë përgjegjësitë!
Pse i fiton Basha zgjedhjet? Sepse, shqiptarët janë të bindur se mandati i tretë nuk u shërben atyre dhe përfaqësimit të tyre, por ka për qëllim mbajtjen e pushtetit për të mbrojtur privilegjet dhe interesat e marra, fituara në kundërshtim me interesat e qytetarëve dhe me rendin kushtetues. Nëse dy mandate nuk mjaftuan për të mbajtur asnjë premtim nga ato që janë bërë, atëherë shqiptarët nuk kanë arsye e motiv të presim e t’u besojnë edhe për një mandat të tretë! Mandati i tretëz jo vetëm nuk është I nevojshëm, por në fakt do të ishte shumë i dobishëm duke e kthyer Shqipërinë mbrapa në hijen e të kaluarës me pushtet absolut.
Basha dhe PD kanë një projekt konkret me propozime për të qeverisur Shqipërinë dhe për të bërë progresin e saj të nevojshëm dhe të dobishëm! Kjo dëshmon, jo vetëm vullnetin për të qeverisur, por edhe dëshirën dhe forcën për tu shërbyer shqiptarëve. Partia Socialiste, pas konsumimit 8 vjeçar duke mos mbajtur pjesën më të madhe të premtimeve, jo vetëm që nuk mund të ketë një program të qartë për të qeverisur, por duket qartë se nuk ka as vullnetin e as energjitë për të qeverisur.
Rotacioni sjellë energji të reja, por edhe mentalitetin dhe nevojën për një frymë të re qeverisje. Lulëzim Basha është pritur në gjitha takimet në qytetet e ndryshme të Shqipëri, si tashmja dhe e ardhmja! Duket qartë se zemërimi i qytetarëve me këto dy mandate të përkthyera në tetë vite është aq shumë i lartë sa nuk mund të pritet dhe të mendohet mundësia për t’i besuar kësaj maxhorance një mandat të tretë.
Ka plotë sinjale të tjera të qarta që dëshmojnë qartë faktin se Basha është kryeministri I ardhshëm i Shqipërisë! Sfida më e rëndësishme e Shqipërisë është integrimi dhe anëtarësimi i Shqipërisë në BE. Kryeministri aktual dhe kjo maxhorancë janë tashmë drejt izolimit të plotë ndërkombëtar. Pozicioni i përfaqësuesve të BE dhe i Ambasadores së SHBA janë qartazi në favor të Bashës dhe PD! Kjo për shkak të linjës që po ndjek Basha duke zgjedhur modelin e një lidershipi modern, liberal e krejtësisht demokratik.
Pra pritja e qytetarëve, reagimi i tyre, mbështetja e përfaqësuesesve të BE, pozicionimi dhe reagimet e ambasadores të SHBA tregojnë qartë faktin se Lulzim Basha është kryeministri i shqiptarëve pas 25 prillit. Të vetmit që nuk besojnë, ose më saktë investojnë për të manipuluar realitetin janë oligarkët që mbeten mbështetësit dhe përkrahësit e vetëm të këtij pushteti! Nuk mbeten mbrapa as elementët e inkrimunar ose fansa të inkriminuarve, që kanë lidhje shpirtërore dhe simbiotike me pushtetin aktual e mbeten sponsorizues të rëndësishëm të këtij pushteti që në këmbim ju ofron imunitetin dhe interesa ekonomike! Të gjithë njerëzit e lirë e të ndershëm të Shqipërisë, pavarësisht ideologjisë ku besojnë, tashmë duket qartë se janë më Bashën dhe fitoren e tij si një fitore për të gjithë!