5 orë në gjyq, Vangjush Dako kërkon pushimin e çështjes

Do të vijojë më datë 2 shkurt seanca paraprake për ish-kryetarin e bashkisë së Durrësit Vangjush Dako, i cili akuzohet për shpërdorim detyre në 2 raste. Seanca e kësaj të premteje nisi prej orës 12:00 në Gjykatën e Posaçme dhe vijoi deri në orën 17:00.

Dako përmes avokatit ka kërkuar pushimin e çështjes ose gjykim të shkurtuar. I pranishëm në seancë Dako deklaroi se leja për pallatin ishte vendim kolegjial.

Sa i takon tenderit të vijës bregdetare, Dako tha në seancë se projekti aty është dhe kërkoi të verifikohet ish-kryebashkiaku, ndërsa avokatët pretendojnë se nuk ka vepër penale.