A duhet të japë Basha dorëheqjen? Ish-kryeministri: Kryetar të tillë nuk do të ketë!

Ish-kryeministri Sali Berisha ka thënë se në statutin e PD, ndryshe nga të gjitha partitë e tjera të djathta konservatore, është vënë neni për shkarkimin e kryetarit.

Por Berisha është shprehur se dorëheqja është akt vullnetar i individit dhe jo i detyrueshëm.

Nga ana tjetër ish-kryeministri u shpreh se zgjedhjet e shpeshta të kryetarit të partisë në një hark të shkurtër kohor, do të dëmtonte rezultatet elektorale të forcës.

Berisha tha se kryetar që nuk punon për jetëgjatësinë e tij nuk do të ketë.

“Rëndësi ka tërësia e normave që rregullon jetëgjatësinë e kryetarit. Ka kryetar që japin dorëheqjen dhe që nuk japin dorëheqjen. Ja ku është Këshilli Kombëtar.” – tha Berisha.