Aksident në mesnatë në Shkodër, vdesin një 23 vjeçar dhe një vajzë 16 vjeçe

Nuk ndalojnë aksidentet me vdekje. Një aksident i rëndë ka ndodhur në orët e para të mëngjesit në Shkodër, si pasojë e të cilit kanë humbur jetën dy persona, një 23-vjeçar dhe një 16-vjeçare.

Aksidenti ndodhi rreth orës 02:45, në vendin e quajtur “Mbi Sukë”, në rrugën Shkodër-Velipojë.  Nga shpejtesia mjet tip “BMW”, ka dalë nga rruga duke u përplasur me një mur dhe si pasojë kanë humbur jetën, drejtuesi i mjetit, shtetasit Amarildo Preka, 23 vjeç banues në fshatin Mali Jushit, Shkodër dhe pasagjerja shtetasja Driona Pirani, 16 vjeçe banuese në lagjen Perash, Shkodër.