Ambasadorja e SHBA-së në Tiranë, Yuri Kim, thotë se Shqipëria duhet të luftojë korrupsionin për të përmirësuar klimën e biznesit në vend dhe për të tërhequr investimet e huaja.
Teksa shpërndan raportin e Dhomës Amerikane të Tregtisë për klimën e biznesit, Kim shkuan se Shqipëria duhet të ketë gjykata të pastra, të luftojë korrupsionin dhe të zgjidhë njëherë e mirë çështjen e pronave, në të kundërt klima e biznesit do të jetë problematike dhe nuk do të ketë përthithje të investimeve të huaja, përfshirë ato amerikane.
“Ekziston një lidhje e drejtpërdrejtë midis sundimit të ligjit dhe biznesit. Rregullat e qarta (përfshirë zgjidhjen përfundimtare të të drejtave të pronësisë), gjykatat e pastra dhe ndjekja e vazhdueshme e korrupsionit do të tërheqin më shumë investime amerikane dhe do t’i japin më shumë shqiptarëve një goditje të drejtë drejt prosperitetit”, shkruan Kim.
