Ambasadorja Kim: SHBA përkrah Shqipërisë. 50 mln dollarë mbështetje kundër sulmeve kibernetike

Ambasadorja amerikane në Shqipëri, Yuri Kim, ka deklaruar se SHBA do vijojë të mbështesë vendin tonë në përballimin e sulmeve kibernetike.

“SHBA ka punuar përkrah Shqipërisë së bashku me aleatët tanë duke reaguar ndaj Iranit për sulmet kibernetike. Është e qartë që Shqipëria dhe SHBA duhet të identifikojnë mbrojtjen e përbashkët. Janë plot 50 milionë dollarë në mbështetje të mbrojtjes ndaj sulmeve kibernetike për Shqipërinë. Ky është vetëm fillimi i asistencës dhe nuk është e gjitha. Që në 2017-ën kemi nisur ndihmën me sektorin e energjisë. Po punojmë edhe me sektorin privat. Ne s’mund të bëjmë mbrojtjen tuaj, por jemi pranë jush për t’ju ndihmuar”, tha ajo në një konferencë për sigurinë kibernetike.