As sonte nuk erdhën, afganët ende të bllokuar në Kabul nga talebanët

Ndonëse pritet prej 3 ditësh, as sonte afganët nuk kanë mbërritur në Rinas. Avioni nuk ka mundur dot të niset. Për shkak të kaosit të madh që ka përfshirë Kabulin dhe konkretisht aeroportin asnjë mundësi nisje nuk duket nga Kabuli.

Talebanët kanë bllokuar rrugët që të çojnë drejt aeroportit dhe avionët e paktë që janë ngritur në fluturim, kanë qenë me amerikanë dhe janë nisur drejt SHBA-ve.

Shqipëria ka gjithçka të përgatitur për pritjen e afganëve. Çadrat ushtarake me mjekë, psikologë, ushqime dhe mjete higjienike janë në gatishmëri në Rinas, të cilat do të jenë dhe ndalesa e parë e afganëve.

Qeveria mbetet në gatishmeri për ardhjen e tyre.