”Asnjëherë nuk është mjaft për të thënë atë që ndjen”, Kryemadhi: Më 11 maj votoni për Ilir Metaj

Politikë E Enjte, 1 Maj 2025 17:14

Deputetja e Partisë së Lirisë, Monika Kryemadhi ka postuar një video në rrjete sociale, ku vijon që të tregojë mbështetjen për Ilir Metën, edhe pse tashmë edhe zyrtarish janë të ndarë. Teksa thotë se Asnjëherë nuk është mjaft për të thënë atë që ndjen, Kryemadhi nënvizon edhe se ”Zëri juaj është kudo në çdo gërmë të mesazheve tuaja të jashtëzakonshme në vërtetësinë e tyre sepse sot më shumë se kurrë mirënjohja ime me ju është pafund”.

Postimi i plotë

Asnjëherë nuk është mjaft për të thënë atë që ndjen, atë për të cilën beson në veten tënde por edhe tek njerëzit që të duan dhe të kanë dashur pa interes.

Për të gjithë ju miqtë e mi të rinj e të vjetër ngado që jeni faleminderit për mbështetjen e mrekullueshme që iu jepni fëmijve të mi në këtë fushatë të vështirë për ta.

Zëri juaj është kudo në çdo gërmë të mesazheve tuaja të jashtëzakonshme në vërtetësinë e tyre sepse sot më shumë se kurrë mirënjohja ime me ju është pafund. Faleminderit! Voto 1-Voto Ilir Metaj.