Basha: Korrupsioni i qeverisë “Rama” po na varfëron çdo ditë

Kryetari i PD, Lulzim Basha e ka nisur ditën me një postim në faqen e tij në Facebook me akuza ndaj kryeministrit Edi Rama dhe qeverisë së tij. Lideri i PD, thotë se shqiptarët po varfërohen cdo ditë nga kjo qeveri.

“Shqiptarët varfërohen çdo ditë nga korrupsioni i qeverisë Rama, një në tre tendera është pa garë. 229 milionë euro kanë shkuar për luks qeveritar. Sa më gjatë kjo qeveri aq më shumë korrupsion, aq më i varfër populli”, shkruan Basha në postimin e tij.

Denoncimet e Bashës vijnë si përgjigje ndaj deklaratave të kryeministrit Rama se niveli i varfërisë është ulur.