Basha: Rama, kukulla e krimit

Partitë politike janë përplasur sot për klasat kolektive në nisje të vitit të ri shkollor. Pas akuzave të opozitës, kryeministri Edi Rama deklaroi se opozita nuk bënë politikë, por shfaqje kukullash.

“Të pabesueshme shfaqjet e kukullave opozitare në mbrojtje të klasave kolektive, një kancer që kemi nisur ta operojmë me guxim pasi u zhvillua prej tyre deri në absurd, duke i zhytur fëmijët në terrin e paditurisë dhe analfabetizmit me dëftesë’,- shkruan Edi Rama.

Pas kritikave të Edi Ramës ka ardhur dhe reagimi i kreut të PD, Lulzim Basha. “Kukulla e krimit Edi Rama, më i paafti dhe i dështuari politikan në 30 vite, mbyll 133 shkolla dhe akuzon opozitën pse thotë të vërtetat që di çdo prind e nxënës! Sa më gjatë kryeministri i çarterave dhe luksit, aq më shumë shkolla të rrënuara dhe fëmijë të braktisur në Shqipëri”,- deklaron  Basha në një reagim në Twitter.