Kryebashkiaku Benet Beci, bën me dije se vijon aksioni për lirimin e hapësirave publike në Shkodër, ku sipas tij janë liruar mbi 470 hapësira të zëna dhe 12 akse kryesore të qytetit.
Postimi i plotë i Becit në Facebook:
Rezultate konkrete nga aksioni për lirimin e hapësirave publike në Shkodër.
Gjatë këtij aksioni janë arritur deri tani këto rezultate:
✅ Janë liruar mbi 470 hapësira publike në 12 akse kryesore të qytetit
✅ Është dhënë përgjigje për 286 ankesa të mbërritura në Sallën e Koordinimit dhe Komandimit
✅ Vijon puna për verifikimin e 200 ankesave të depozituara në portalin “Hapësira Ime”
✅ Janë përpiluar 386 akte konstatimi
✅ Janë vendosur 121 masa administrative
Bashkia Shkodër mbetet e angazhuar për të garantuar hapësira publike të lira dhe të aksesueshme për të gjithë qytetarët.