Berisha: Olsi Rama emëron drejtor të Lojërave të Fatit, Çakullin e bixhozit

Degradim total!” e ka cilësuar ish-kryeministri Sali Berisha emërimin e fundit në krye të Lojërave të Fatit, të djalit të Filip Çakullit, të cilin e akuzon si lojtar të njohur bixhozi në Tiranë.

Por tani e tutje me këtë emërim Berisha thotë se ai do të “kujdeset” për bixhozin, duke akuzuar vëllain e kryeministrit aktual, Olsi Rama, për lëvizjet e fundit në interesat e tij.   

Statusi i Berishës:

“Olsi Rama emëron drejtor të Lojërave të Fatit Çakullin e bixhozit.

Qeveria e “aleancës së qelbësirave”, e kryesuar nga Edi Rama, u inaugurua me betejën për  të futur në dorë të familjarëve të tij Lojërat e Fatit.

– Në funksion të këtij qëllimi, u mbyllën dhe konfiskuan në  kundërshtim me çdo ligj, me qindra kompjuterë  dhe salla lojërash fati, që  nuk pranuan të ortakërohen me Olsi Ramen dhe grupin e tij.

– Në funksion të  këtij qëllimi, u bllokua në  Parlament prej 9 muajve ligji i ri lojërave të  fatit, nga Olsi dhe i vllau i tij, Edi.”

-Në funksion të këtij qëllimi, u emërua në krye të tyre Briselda e lojrave të fatit.

– Po në funksion të këtij qëllimi, u emërua sot në  krye të  bixhozit të Shqipërisë nga Olsi Rama, Çakulli i Filipit, skllavit të  vet të mjerë.”

Ky është degradimi total i Edi Ramës dhe bandës së tij qeverisëse!"