Berisha thirrje demokratëve: Të përgatitemi për stinën e protestave të mëdha

”Shumë shpejt do të nisin protestat kundër qeverisë”. Kështu u shpreh nga ”Foltorja” në Kuçovë, lideri historik i PD Sali Berisha.

”Ky është revolucion që ka si qëllim rivendosjen e votës dhe shtetit të lirë në Shqipëri. Askush nuk duhet të trembet, unë dua të theksoj se zgjedhjet e 25 prillin nuk i pranojmë. Ne do të bëjmë gjithçka që të garantojmë votën e lirë. Ne nuk vijmë në pushtet pa votën e lirë. Me Edi Ramën, votë të lirë nuk ka dhe nuk do të ketë, ndaj të përgatitemi për stinën e protestave të mëdha”-  deklaroi Berisha.